Verserl Paule - Gedichte für jeden Anlass

Im Zugabteil sitzn voller Wonne
a Deitscher, a Holländer, a jungs Deandl und a Nonne.
Des Liacht im Abteil des is defekt
des hams bei der Durchfahrt durch an Tunnel entdeckt.
Und während die Fahrt durch den Tunnel fiehrt
is in dem Abteil dann was schrecklichs passiert.
A kurzer Kracher, es hod recht fest zischt
und scho hatte der Holländer oane dawischt.
Der Zug fohrt wieder aus dem Tunnel raus,
und koaner der Gäste wusste wos genaus.
Die Nonne hod denkt, der Deitsche, der Kerl
der wuid se vergreifa an den junga Derl.
Des hod nadirle ned funktioniert
und deswegn hod erm de oane gschmiert.
Des Deandl denkt, als der Licht erlischt,
da hod der Deitsche woi statt mi die Nonne dawischt.
De hod da drüber ned recht glacht
und deswegen hods im Tunnel glei kracht.
Der Holländer denkt se, der Deitsche, der Hund
der dappt an dem Derl rum ohne Grund.
De woid sich dafür revanschiern, doch der Deitsche hod se duckt,
drum hob I de Watschen aus Versehen gschluckt.
Der Deitsche denkt sich nur ganz lässig, so
im nächsten Tunnel hau I dem Holländer wieder oane ro.