Ausgricht bist glei!
Zur Abwechslung moi a kloaner Sketch 😉
Er: Host scho ghört, Nachbarin, wia de ander, du woaßt scho, wia de ander über de Kinder von uns her ziagt?
Sie: Ja freile, de hod doch an ganzen Dog nix anders zum Doa. Wos hods denn scho wieder gsagt?
Er: Ihra hod ned passt, dass unsre Kinder bloß euwei de Aldi oder Lidl-Hosn oham.
Sie: De braucht goir nix sogn, sie kafft ihre Kinder zwar nur Markenhosen, aber de dafür alle aufm Flohmarkt.
Er: Do schau her, des hob I ja no gor ned gwisst. Und dann richt de uns a so aus.
Sie: De macht no vui mehra. De verzeit ja a rum, dass du und dei Frau (flüstert ihm wos ins Ohr)
Er: Du spinnst doch, des stimmt ja gor ned. I streit doch gor ned mit meiner Frau.
Sie: Also I hob aber do am Abend letztsmoi wos anders ghört.
Er: Ja sog bloß, du fangst iaz a no damit o, andere auszurichten?
Sie: Na. Du aber sog moi, stimmt des, dass du mit deim Nachbarn auf der andern Seitn euwei streitst, weil von dem seiner Heckn zwoa kloane Asterl zu dir rüberhänga?
Er: Mei I konn dir erzein, des is wirklich a Sauerei. Des muass I mir doch ned gfoin lassen. Wenns bei dem im Haus a so ausschaut wia im Garten, mei liaber, da mechad I ned neigeh.
Sie: No dazua wo sie es überhappts no nia mitm Putzen kabbt hod.
Er: I bin sicher, des Haus ghörad desinfiziert, bevor man da ohne Angst eiziagn konn.
Sie: Also I daad ohne Schutzanzug gor ned neigeh.
Er: I glab iaz fast, I a ned. Aber redn mir liaber über wos anders, weil mir wuin ja ned zu dene Leit ghern, die andere Leit euwei ausrichten.
Verserl-Paule – Gedichte und Texte für jeden Anlass
Inhaber: Paul Thaller
Münchener Str. 15
85107 Baar-Ebenhausen
Tel. 08453/8984
Mail: paul.thaller@gmx.de
Internet: www.verserl-paule.de
Verserl Paule - Gedichte für jeden Anlass
