Verserl Paule - Gedichte für jeden Anlass

Maibaum 2010

Liebe Maibaumhelfer, liebe Maibaumgäste,

Maibaamaufstelln, des is a oider Brauch,
drum gibt’s des bei uns do in (Ort einsetzen) auch.

Zerst werd der Maibaam sauber bewacht
weil dem wo er gstoin werd, über den werd recht glacht.

Zudem und des daad wirklich koam gfoin,
miassad ma ja den Dieben a Lösegeld zoin.

Also nimmt ma liaber a schlaflose Nocht in Kauf
und passt auf den Maibaam so richtig gscheid auf.

So habts ihr des a hier vor Ort praktiziert
und drum is mit dem Maibaam a nix passiert.

Drum habts ihr olle miteinander, ihr starken Menna
den Baam heit Vormittag sauber aufstelln kenna.

Mit oll seine schena Bandl, Kranzl, Wimpe und Schuidl
macht er jetz wirklich a ganz a schens Buidl.

I mecht desweng bei olle wo ghoifa ham danke sogn,
es hod sich moi wieder so richtig rentiert, des Plogn.

Manche kamen bestimmt ins Schwitzen
drum derfts ihr jetz no a bisserl sitzen.

Machts bitte a im nächsten Johr so kräftig mit
des waar für heit mei abschließende Bitt.

Denn nur wo Leit gscheid zammhoidn dean,
do lafft wos in der Gmoa, meine Damen und Hean (Herrn).

Mehra glaab I brauch I gor nimmer erzein,
I wünsch no a boor gmiatliche Stund bei dem herrlichen Sonnaschein!
(bei gutem Wetter)

Mehra glaab I brauch I gor nimmer erzein,
wenn d´Sonna no rauskemma daad, dann waars besonders fein!
(bei schlechtem Wetter)

(c)
Verserl-Paule – Gedichte und Texte für jeden Anlass
Inhaber: Paul Thaller
Münchener Str. 15
85107 Baar-Ebenhausen
Tel. 08453/8984
Mail: paul.thaller@gmx.de
Internet: www.verserl-paule.de