Gewichtsprobleme

Beim nächsten Gedicht is as Zuahern Pflicht
denn bei dem Gedicht geht’s ums liabe G´wicht.

Wer hod denn no ned mal wegs dem bleden G´wicht,
auf wos, wos er gern mog, einfach verzicht?

Ned bloß de junga Deandl san ganz drauf erpicht,
dass ma ja koa Gramm Fett ned an eaner dro sicht.

Na, a für vui Mannerleit is es heitzutags Pflicht,
dass noch der Arbad no für die Fitness wos gschicht.

Statt dass ma sich dahoam was zum Essen herricht,
sigd ma erm, wia er mit dem Hometrainer im Zimmer rumsticht.

Da fahrt der scho mal a Zusatzschicht,
im farbigen Dress, aber ja ned zu schlicht.

Is dann, fix und fertig vom Radeln, des Ende in Sicht
folgt nur no a Eintrag im Trainingsplan, a kloaner Bericht.

Ma kannt ja fast moana, de san alle ned dicht,
aber des stimmt nadirle dann a wieder nicht.