As Paarfest is a Gedicht!!!

In Reichertshofa gibts a Fest
scho über 40 Johr,
und dass sich dort guad feiern lässt,
des is wirklich wohr.
In dieser Zeit is sehr vui gscheng,
s ´is ehrlich vui passiad,
und wia des Paarfest oblafft,
hob I hier kurz notiad.

Der Buagamaoster zapft gscheid o,
braucht hechstens zwoa drei Schlog,
und bsuacht sei Paarfest rund um d´Uhr,
bis hi zum letzten Dog.
Am Freitag ziang d´Vereine ei,
am Samstag die Seniorn
die schensten Madln wern zudem
zur Miss dann no erkorn.

Rundumadum is hier wos los,
gor mancher Sautrog sinkt,
und de, de wo ned okumma,
san de, dene´s recht stinkt.
Beim Fischerstecha werd gekämpft,
do gehts genau so rund
und mancher kennt vom Neifoin
die Paar bis no zum Grund.

Dass des no lang so bleiben mog,
des wünscht sich jeder hier,
denn Paarfest steht für Freiheit
und für „mir san mir“.
In diesem Sinn beende ich
an der Stell mei Gedicht.
Des Paarfest ruaft, ihr liaben Leit,
I hoff, dass man sich sicht.

(c) Paul Thaller, Gedichte für jeden Anlass
www.verserl-paule.de

Münchener Str. 15
85107 Baar-Ebenhausen
Tel. 08453/8984
Mail: paul.thaller@gmx.de
Internet: www.verserl-paule.de